శ్రీనివాసుని సంకీర్తనలు

కీర్తన 227

----------

ఉయ్యాలో ఉయ్యాలో రామయ్యకు ఉయ్యాలో
ఉయ్యాలో ఉయ్యాలో కృష్ణయ్యకు ఉయ్యాలో

అంబారి ఏనుగు నెక్కి ఊరేగే
ఆపదమొక్కులవానికి ఉయ్యాలో
అలిమేలమంగ ఒడిలో ఆదమరచి
నిదురోయే నాస్వామికి ఉయ్యాలో

శ్రితజనపాలక సీతారమణునికి ఉయ్యాలో
ఆశ్రితపక్ష అయోధ్యారామునికి ఉయ్యాలో
వేణుగానలోలా వృందావిహార ఉయ్యాలో
గోపిలోలా గోవర్ధనగిరిధార ఉయ్యాలో

తీయ్యని వరములు గుప్పించే తిరుమలేసునికి ఉయ్యాలో
సంకల్ప సిరులు సమకూర్చే సప్తగిరిశ్రీనివాసునికి ఉయ్యాలో
ఉయ్యాలో ఉయ్యాలో రామయ్యకు ఉయ్యాలో
ఉయ్యాలో ఉయ్యాలో కృష్ణయ్యకు ఉయ్యాలో