శ్రీనివాసుని సంకీర్తనలు

కీర్తన 242

-----------

మదనా కనులు మరలించవేరా
కామిని కలలు పండించవేరా

సుందరి సొగసులు భామిని వలపులు
సుందరా నీ కను విందుల కేనురా

నెచ్చెలి నందాలు జావళి జరదాలు
అంది అందుకోరా నీ పొందుకోరి వచ్చెరా

కోయిల స్వరాలు కోమలి కిలకిలలు
చెలికత్తెల సయ్యాటలు నీ సరసానికేనురా

సిగ్గేలరా జాగేలరా తెరలు మరుగేయరా
మందార మధురిమలను మరిగించరా

మదనా మరలించవా కనులు పండించవా కలలు
మదనా కనులు మరలించరా కలలు పండించరా