శ్రీనివాసుని సంకీర్తనలు

కీర్తన 217

-----

బండెల్లి పోతున్నది మామ కొండకెల్లి పోతున్నది
పొలిమేర దాటుతోంది ఏడుకొండలకు వెళుతోంది

గొడ్డుగోద నొదలి నే రాలేనే పిల్లా
ఇల్లువాకిలి నొదలి నే వెళ్ళలేనే పిల్లా
పొలముపార నొదలి నే పరిగెత్తలేనే పిల్లా

గోపాలు డొచ్చి నీ గోవులును గాసేడు
పరంధాము డొచ్చి నీ పొలము దున్నేడు
ఇలవేల్పునై వొచ్చి నీ ఇంటిని కరుణించేడు

చపల చిత్తమైన మనసు మారకముందే
క్షణము చిత్తమైన బ్రతుకు మాయకముందే
వెళ్ళివద్దాము ఏడుకొండలకు చూసోద్దాము శ్రీనివాసుని

బండెల్లి పోతున్నది మామ కొండకెల్లి పోతున్నది
పొలిమేర దాటుతోంది ఏడుకొండలకు వెళుతోంది