శ్రీనివాసుని సంకీర్తనలు

కీర్తన 219

-----

దాచుకోనా దేవా దాచుకోనా
నాహృదయంలో పదిలంగా దాచుకోనా

చూసుకోనా స్వామీ చూసుకోనా
నాకనులలో కట్టేసి భద్రంగా చూసుకోనా

నామది నందన వనముగా మలుచుకోనా
సుందర సుమధుర పదములతో అల్లుకోనా
ఎదన ప్రేమాలంకిత పూదండనై హత్తుకోనా
పదార్చనలతో నీ పాదములు పూజించుకోనా

నాగుండెల్లో గర్భగుడి గట్టుకోనా
నా దేహము దేవాలయముగా దిద్దుకోనా
మేళతాళాలు వేదమంత్రాలతో వేడుకచేసుకోనా
పాదాలచెంత భక్తిపువ్వునై రాలిపోనా

సంకీర్తనా సుస్వారాల జల్లు కురిపించనా
సన్నిధిన సుపరిమాళాలు వెదజల్లనా
హరినామస్మరణలో నే హారతినై కరిగిపోనా
ఆత్మను పరమాత్మునికి ఆర్పితం చేసుకోనా