శ్రీనివాసుని సంకీర్తనలు

కీర్తన 234

-----------

పట్టరో రాముని పాదం
పెట్టరో యమునికి నామం

రాళ్ళనైనా కరిగించు పాదం
రాళ్ళలోనైనా ప్రకాశించు రూపం 
రాక్షసులను సంహరించు రామబాణం
రాగాలలో తేనెలోలికించు రామనామం

బ్రహ్మ కడిగిన బలి మోసిన పాదం
భవబంధాలను బాపు పావన తీరం
ధరణిని సదా రక్షించు ధర్మమార్గం
దైతలను దండించు దశావతారం

శ్రీవారిచరణ సేవలో కలుగును భాగ్యం
శ్రీరామనామస్మరణలో కలుగును మోక్షం
మాధవుని లీలలో మరణం మటుమాయం
వైష్ణవ వేడుకలో ఇక వైరాగ్యం కడు దూరం