శ్రీనివాసుని సంకీర్తనలు

కీర్తన 245

-----------

వేరే తీర్ధంబు అవనిపై వెదకనేలా
వేరే దైవంబు జగతిలో వేడనేలా

ఏడుకొండల వానిని వొదలి
ఏడేడుకొండల వానిని మరచి || వేరే తీర్ధంబు ||

కాలాతీతుడై కలకాలం కాపాడుచు
కరుణాసముద్రుడై కోరికలు కరుణించుచు
కమలాక్షుడై కనకములు కురిపించుచు
కొండలరాయుడై ఏడుకొండలలో కొలువైయున్న

ఏడుకొండల వానిని వొదలి
ఏడేడుకొండల వానిని మరచి || వేరే తీర్ధంబు ||

జగతికే మూలమైనవాడు
దేవగణానికి నాయుకుడైనవాడు
సకలభూతాలకు భుతాత్మడైనవాడు
సర్వాకాల సర్వాతీత శ్రీనివాసుడైన

ఏడుకొండల వానిని వొదలి
ఏడేడుకొండల వానిని మరచి || వేరే తీర్ధంబు ||

తల్లినై జన్మనిచ్చి
తండ్రినై సదాసంరక్షించి
గురువై జ్ఞానంభోదించి
దైవమై మోక్షానిచ్చు

ఏడుకొండల వానిని వొదలి
ఏడేడుకొండల వానిని మరచి || వేరే తీర్ధంబు ||