శ్రీనివాసుని సంకీర్తనలు

కీర్తన 133
-----------
బేరమేల నయ్యో కన్నా
కాళ్ళబేరమేల నయ్యో కృష్ణా
వలదంటే వలదయ్యో వాసుదేవా
వేణుగానానికి వేవెల గోపెమ్మలు
నల్లనయ్య చుట్టూ అందాలు
నందనాలు ఆడుతారన్నావె
ఈ రాధ ప్రేమ నీకు ఏపాటిది
బేరము కాదే భామా ఇది ప్రేమ
కపటప్రేమ కాదే కలకాలం ప్రేమ
నింగిన తారలు ఎన్నిఉన్న
పండు వెన్నెల జాబిలి వెలుగే వేరులే
వేవేల గోపెమ్మలు చుట్టున్నా
మనసున ఉన్న రాధమ్మే ముద్దులే
ఆడవద్దు ఆడవద్దు అబద్దాలయ్యో
కల్లి బొల్లి మాటలతో మోసమేలనయ్యో
అంతా నీవెనని నమ్ముకోని వస్తే
అందరు నావారు జగమంతా నావారు
నంటూ నను ఒంటరిగా ఒదిలి వెళ్ళలేదా
నా మనసు చిన్నబుచ్చలేదా.....
నమ్మవే నా రాధ నీ నల్లనయ్యని
వెన్నలా కరిగిపోయే కన్నయ్య మనసును
అందరు నావరైనా నేను నీవాడనేలే
జగమంతా నేనైనా నా లోకం నీవేలే
ఒంటరిగా చేయలేదు నిన్నెపుడు
నా మనసులో దాచుకొన్నా నిన్నెపుడు