శ్రీనివాసుని సంకీర్తనలు

కీర్తన 134
-----------
దీపమా ఓదీపమా నాప్రాణదీపమా
దైవమా ఓదైవమా నాపాలిదైవమా
రాయిలోని దైవమా రప్పలోని దైవమా
రాతిని నాతిగ చేసిన దైవమా
రాగానికి కరిగే కరుణాలవాలమా
రాయిగా మిగిలిపోకు రాతిగానిలిచిపోకు
దైవమా ఓదైవమా నాపాలిదైవమా
గుండెల్లోని దీపమా గగనాన దీపమా
జీవానికి వెలుగునిచ్చే ప్రాణదీపమా
జగానికి వెలుగునింపే నాపాలిదైవమా
వాలిపోకు దీపమా మసకబారపోకు దీపమా
నీ వెలుగే లేక ఉదయం లేదులే
నీ దయనే లేక దారే లేదులే
సృష్టిని వెలిగించే సూర్యదీపమా
చిరుదెవ్వెవై చిరుప్రాణానికై స్పందించవా
శంకరా శివశంకరా హరిహరా
ఈశ్వరా ప్రాణేశ్వరా వెంకటేశ్వరా