శ్రీనివాసుని సంకీర్తనలు

కీర్తన 156
-----

పరిచయం లేకున్నా ప్రణయం కాకున్నా
నీవే నా ప్రాణసతుడు ననుకొన్నా
నీ తోడునీడ లేకున్నా నా చెంతకు రాకున్నా
నా ప్రతిబింబములో నీ మనోహర దివ్య శోభిత
మంగళ మన్మధ మాధవ రూపాన్ని సాక్షాత్కరించి చూసుకొన్నా
ఇదే ఈ జన్మకు దొరికిన అందమైన
అద్దములాంటి అనురాగ అపురూప జీవితమని ,
పగిలితే మరలా అతకదని పదే పదే
కనురెప్ప వాల్ఛకుండా చూసుకొంటూ
నా హృదయములో పదిలముగా దాచుకొన్నా ...
ప్రియ సఖినై ప్రణయగీతిక పల్లవించి
మధుమాస శుభవేళ మాధవుని రాకకై వేచి
మరుమల్లెలతొ రాయభారము నంపితిని
మగత లోకి మగువ జారుకోకముందే
కిన్నెరసాని కలల పండగను పండించిపోరా మాధవ.