శ్రీనివాసుని సంకీర్తనలు

కీర్తన 157
-----

గగనాన నీవు భువనాన నేను
గోకులాన నీవు భూలోకాన నేను
హరి నామము నిన్ను నన్ను కలుపునా
ఈ దారి దేవుని దరి నను చేర్చునా
వేణువు నాలాపించు చుండగా
శ్రుతిలో నిలువక రేణువునై రాలితిని
కొమ్మను చేరి రెమ్మనై చిగురించి
పుడమిపై పరవశించి పువ్వునై పూచీ
రేయినంతా వేచి రామనామం జపించి
రాగమై తిరిగి నీ వేణుగానమున చేరలేక
తోటమాలిని బ్రతిమాలి తిరుమల చేరి
పరమాత్ముని పాదాల చెంత అమరితిని