శ్రీనివాసుని సంకీర్తనలు

కీర్తన 167
-----
ఏడ కొనేది మల్లి ఏడ కొనేది
ఏమని వెళ్లేదే మల్లి ఏమని వెళ్లేదే
చేతిలోన చిల్లిగవ్వ లేకపోయేనే
జాము చూస్తే సందెనాయే
పొద్దు చూస్తే వాలిపోయే
సంత చూస్తే మూసినాయేనే
ఒట్టిచేతులతో వెళ్ళదామంటే
కృష్ణయ్య కనులు వెదుకునేమో
కన్నయ్య మనసు కటకటలాడునేమో
నల్లనయ్య ముఖము వాడిపోవునేమో
ఎమి చేద్దామే మల్లి ఎట్టా వెళ్ళదమె
మహారాజులకు మనమేమి ఇద్దమే
ఈపిడికిలి అటుకులు పట్టుకెళ్లదామే
పేదవాడి ప్రసాదము స్వీకరించమని
ప్రేమగా పరమాత్ముని ప్రాధేయపడదమె
వెన్నలాంటి వాసుదేవుడు కరుగుతాడు
మల్లెలాంటి మాధవుడు హత్తుకొంటాడు