శ్రీనివాసుని సంకీర్తనలు

కీర్తన 166
-----
కానరాని నీడవు నీవయ్యా
వీడరాని తోడువు నీవయ్యా
మరువరాని ప్రేమ నీవయ్యా
మమతలు పంచే మాధవుడవు
మనసున నిండిన మహారాజువు
రామరామయ్యా రఘురామరామయ్యా
రామరామయ్యా సీతారామరామయ్యా
స్తంభములో సింహము నీవయ్యా
సరస్సులో చక్రం నీవయ్యా
కడలిలో కూర్మము నీవయ్యా
కొలనులో కమలము నీవయ్యా
వేదాలకు వరాహము నీవయ్యా
విశ్వానికి ఓంకారము నీవయ్యా
దివిలో దేవుడు నీవయ్యా
భువిలో బుధ్ధుడు నీవయ్యా
ప్రకృతికే తుమ్మెద నీవయ్యా
మేఘానికే మెరుపు నీవయ్యా
ఆకాశాన విరిసిన హరివిల్లువు నీవయ్యా
ఏడుకొండలలో వెలసిన వేంకటేశుడు నీవయ్యా