శ్రీనివాసుని సంకీర్తనలు

కీర్తన 74:
------------
కులుకేలరా నీకు తళుకేలరా
కోరి కోమలి కబురంపగా.. జాగు
చేయక వేగరారా బేగరారా కృష్ణా...
కనులెదుట నిలిచి కవ్వించినావు
కలలోన కౌగిలిలో కరిగించినావు
ఊసులన్ని ఉసిగొల్పి ఆశలన్ని నాలోరేపి
ఉహలలో జాణతో వేణువై ఊరేగినావు ||కులుకేలరా||
మదిన దూరి ఎదను దోచి
వయసుతొ చేరి మారాము చేయకురా
మనసును మందిరముగా మలచితిరా
పూలపందిళ్ళు వేసి ప్రేమతో పిలిచితిరా
కులుకేలరా నీకు తళుకేలరా
కోరి కోమలి కబురంపగా.. జాగు
చేయక వేగరారా బేగరారా కృష్ణా.