శ్రీనివాసుని సంకీర్తనలు

కీర్తన 50
----------
సాయం చేత్తావా సాయం చేత్తావా సామి
సేతులెత్తి మీకు మొక్కుతున్నా సామి

కనుచూపు మేరలో దారి కానారాలేదయ్యో
దిక్కుమొక్కు లేక దండమెట్టి నానయ్యో

కష్టనష్టాల ఊబిలో కూరుకంటినేనయ్యో
గండము గట్టెక్కించే గోవిందుడవూ నీవేనయ్యో

సాయం చేత్తావా సాయం చేత్తావా సామి
సేతులెత్తి మీకు మొక్కుతున్నా సామి

ఆదుకొనేవారు లేరు ఆదరించేవారు లేరు
పలుకరించేవారు లేరు ప్రేమచూపేవారే లేరు

అలసిసొలసినాను సామి ఆదుకోరా సామి
ఆర్జించుచున్నాను సామి అభయమియ్యారా సామి

సాయం చేత్తావా సాయం చేత్తావా సామి
సేతులెత్తి మీకు మొక్కుతున్నా సామి

----------------------------------