శ్రీనివాసుని సంకీర్తనలు

కీర్తన 41
-----------
కుశలమా కుశలమా కౌసల్యరామా
కారడవుల కేగిన కైకేయిరామా

కారణజన్ముడవు కమనీయ హృదయుడవు
కఠిననిర్ణయమున కారడవికేగితివి
తండ్రిమాట జవదాటని తనయుడవు
తరతరాల తార తారకరామ ||కుశలమా||

ఏకందమూలాలను స్వీకరించితివో
ఏలకఠిననేలపై పవ్వళించితివో
ఏముల్లు నాటునో ఆచరణారవిందాలకు
ఏల పర్ణశాలలో జీవిన్తువొ జానకిరామా ||కుశలమా||

చేయని నేరమునకింత కఠిన శిక్ష
సేవలు సేనలు కరువాయెనేలరా
రావణుని కూల్చెడి రహస్యమ్మిదియేన
రామబంటుని బ్రోచు మార్గమిదియేనా రఘురామా

కుశలమా కుశలమా కౌసల్యరామా
కారడవుల కేగిన కైకేయిరామా