శ్రీనివాసుని సంకీర్తనలు

కీర్తన 44K

------------

ఆగకు ఆగకు ఇక ఆలస్యమెందులకు
పదపద ముందుకు పావనకొండలకు
వెంకటరమణుడు వెలసిన ఏడుకొండలకు

అడగకనే ఆప్యాయతతో అభయమునిచ్చి
ఆదరించి అక్కునచేర్చుకొని ఆపదలెల్లతీర్చి
కరుణించి కొండంత అండనై కాపాడు కొండలకు ||ఆగకు ..||

దర్శించికొని దండమెట్టిన దయగొల్పుదేవుడు
తలవగనే తీరనికష్టాలెల్ల తీర్చేటితిరుమలనాధుడు
తేనేటి వరాలుగుప్పించు తిరుమలేసుడుండే కొండలకు ||ఆగకు ..||

వెంకటరమణుడు వెలసిన వెన్నెలవెండికొండలకు
తిరువెంకటాధీశుడు నేలేటి తిరుమలకొండలకు
పురుషోత్తముడుకు పురుడుపోసిన పావనకొండలకు ||ఆగకు ..||